وانت اذا سولفت تاخذني معاك..

أنا اعشقك واحترق لك شوق واعاني
واقول وانا احبك .. بس هه يعني ...!!
وأضمه وانثر اجمل طيف باحضاني
وليا انتثر قال تكفى جمعني
رحت اجمعه واطلب الرحمن ياقاني
نار المفارق ولا انه فيه يفجعني
اللي كما الدم يجرى وسط شرياني
اخر بشر آتمنى انه يودعني
اشهدك يارب لو راح وتنساني
انه معي لين ذكرانا تشيعني،،،،


كنت أفكر.!!
وكانت "أحزاني" كبيره
كانت "همومي" على قلبي كثيره..
كثر ماتطري على بالي "عيونك"
وكثر مااطالع واشوف الدنيا "من دونك" صغيره..
كثر..ماسالت دموعي.!
كثر..ماصاحت ضلوعي.!
يوم عاشت لحظة لقاك "الأخيره"
كنت احس إني "وحيد"
عايش لحالي..بلا أهل وعشيره.!
كني "طفل" تاه بالصحرا ولايعرف مصيره.!!
فجأه.!!
شفتك
مدري كيف.؟!وشلون.؟!
لكني لمحتك..
وبس شفتك "انتهت" رحلة عناي
وجيتك اركض..
تارك دموعي واحزاني وحرماني وراي..
تارك ايامي التعيسه..تارك همومي وشقاي..
جيتك اركض وكلي شوق..
فاتح ايديني بلهفه..
ودي اضمّك..
ودي باحساسي المّك..
ودي اشكيلك واحكيلك عن ايامي "في بعدك"
ودي اسأل:
عشقي باقي ياحبيبي يعيش في دمّك.؟
ودي اتناثر بحضنك واتحسس.!!
هو بقى لي باقي في حضنك..
بس خساره.!!
قبل "اوصلك" انتبهت..وانتهى ذاك الحلم..
واثر هذيك السعاده مو سعاده.!!
اثرها كانت..سراب
اثرها كانت..خيال
اثرها كانت وهم
ومن جديد!
عاد يجلدني الألم..
وعاد يطعنّي غيابك..لا رأف بي ولا رحم..
آآه
ياظلم السعاده
وأأه ياكذب الحلم.!
مشتاقه لك


رد علي
بدافي الصوت لا
أموت
عطني حنان الصوت لو
ماتجيني
ياليت مااسمع غير
صوتك ولا صوت
صوتك يحرك كل الاحساس فيني
وش ينفعك لاجتك
روحي في تابوت
قالو ||توفى||ومطلبي
كان صوتك يحييني....!!


ابي أكتب قصيدة حب أبي تفهم معانيها
اريدك بين هالعالم تفاخر يوم تقراها
أبيك لحروفها تطرب أبي غيرك يغنيها
أبي لامن سألك أنسان من اللي فيك سواها؟
تقول: اللي سكن قلبي وروحه بي معنيها



منت رايق ..
فيك شي ومتضايق ..
مانت في طبعك ..
ولا هذا مزاجك ..
التفت لي ...
شوي .......... محتاج لدقايق ..
انا
ماصدقت
اشوفك
وانتواجه
ودي "اطفي " >> بشوفتك
(( نار الحرايق ))
ودي "انسابك " >> ((ردى الحظ وعجاجه ))
عش
معي
في
فرحتي
وانسى
الخلايق ..
: : : واسمع : : :
لرعشة + خفوقي واحتجاجه +
== علم مابينك وبين الما عوايد ==
== من رحيق ازهار روضي وابتهاجه ==
ليه ؟؟!!
تخفي يابعد روحي الحقايق !!
يسألك ..
قلبي دخيلك بس ناجه ..
وين عني ؟؟؟
شارد عنظره توايق !!
مانت في " حالة ظلام ولا سراجه "
آه ...
ياحلوك عليك الحزن لايق ..
* ياجعل ربي
يعجل في انفراجه *
جت ...
تسائلني ...
((( علامك منت رايق ))) ؟
قلت ::
(( رايق بس ابكتب فيك حاجه )) ..



جمعت حروف هالدنيا ورحت اركض أناديها..
بسمّعها كلام غير واصارحها أنا بحبّي..
رميت كل همومي وغمضت وكل همّي..
الاقيها وقلبي ممتلي فرحه..ولهفه..وشوق متعبني..
وكان الجو بارد حيل..
وكانت ترتجف ايديها..
وهمست..انا موجود لكن مادرت هي بي.!!
ضحكت وكنت احسب أنا الّي بس يعنيها..
وأنا الّي بس بتحبه..وأنا الّي يهمها قربي..
لكن للأسف خابت حلوم كنت بانيها..
على حبٍ توقعته بينوّر دربها ودربي..
اثاري بقلبها غيري تداريه ويداريها..
واثاري بقلبها ياناس حبٍ كان متخبي..
قالت لي..تحبه موت وهو بالحيل يغليها..
وقالت لي..أخاف الحب تكفى خلك بجنبي..
سكت وسالت دموعي ومنديلي يخبيها.!!
بطيبه قالت..انت اش فيك.؟!
قلت..البرد لاعب بي..
ماابيها تعرف بحبي واني ميت فيها..
خلاص الله يسعدها وأنا بيعينني ربي..



"أحبك" آخر اخباري..
وآخر ماورد بالكف..
"أحبك" وابعد حدودي..
سلام وأقربه نظره..
"أحبك" بأول إحساس..
داعب مهجتي ماكف..
"أحبك" إيه أنا "أحبك"
بقلبٍ ماعرف يكره.!!
هذي فنه اشواقي..
أبعثرها قصيد وحرف..
أجيك ململم "جروحي"
وصوتي تخنقه "العبره"
أجيك بخاطرٍ مكسور..
وعين ماتغض الطرف..
أجيك "بلهفتي" وينك.؟!
فؤادي ماحمل صبره..
أبيك تسابق شمسي..
بعد من الصفر للألف.!!
بحط ايدي على خدّي..
واقول امتى يجي بكره.!!
بكحل ناظري بشعة..
جبينك يالغرام العف..
ويسعد لي صباح الّي..
تصبحبك على الفطره..
أنا ادري ماعرفتني.!!
تشابه في سماك الصنف..
صوابع ايدك بكفك..
واذا هي تختلف قدره..
أنا ادري في البشر عمله..
رخيصه في بنوك الصرف..
أنا اعرف في البشر معدن..
ثقيل يرجح الصخره..
سألتك باللذي زانك..
أنا ويني بذاك الصف.؟
أشوف المعجبين كثار..
واخاف تطول النطره..
رجيتك لاتجي بدافع..
مايسمى "العطف"
تراي مااملك إحساسي..
إذا قلبي بدا يشره..
"هذي آخر اخباري"
وآخر ماورد بالكف
وانت وشهي اخبارك.؟
عقب الّي سبق ذكره.!!




على البال
(( كل التفاصيل ))
على البال
(( واحلى التفاصيل ))
على البال
والحل والترحال
والنار والهيل ..
والقمره اللى نورت
ليل ورا ليل ..
: : والنظره المكسوره : :
: : والبسمه المقهوره : :
: : والخطوه المغروره : :
وأحلى المواويل
دايم على البال ..
مدري الى اليوم ..
ولا الزمان أنساك ..
يا قلبها قلبي ..
مدري الى اليوم ..
توله على مضناك ..
والا انتهى حبي ..
ياقايد الريم
:: ذكراك ::
ما غيبت عن خاطري ساعه
الروح
لك
يا ساكن الروح
.. نزاعه ..
متى الوصل !!
.. قول ..
أبجيك ،،
وأسابق الساعه ،،
ياللى على البال
،، كم ،، شمس ،، غابت ،، وأنا ،، أشوفك ،،
،، شمس ،،الضحى ،،اللى ،، تباريني ،،
وإذا
منع
جيتك
خوفك
نورك
فلا
غاب
== عن عيني ==
الحب تدري ..
ما هو بيدي ..
سيدك تراه
الهوى
.. وسيدي ..
أبيك تبدا مواعيدك
ولا أببدا مواعيدي
ياللي على البال[img]




تعال ووقع بجرحك أنا قلبي كتاب جروح
ما يهمك ترى غيرك جرحني ما افتكر فيني
زوايا القلب تتألم وشرخ في الحنايا ينوح
وعبره تخنق إحساسه ودمع راجف بعيني
زمن فيه الوفا ولى وسيف الغدر به مسموح
يسله من هوى ذاته ويهوى بس يشقيني
زمن فيه الأنا تقتل مشاعر بين روح وروح
وعلى كثر الألم منها صار الفرح مجفيني
شوف الواقع المؤلم يعشق شوفة المجروح
رسخ في داخلي كلي ووده حيل ينهيني



دخيل "الحب"
من نظرة ::
دخيل عيونك
الحلوين ::
ترى
قبلك
كثير
.. وما أخبر أني توسلته ..
!! نعم !!
>>>> جيت
اعترف لك ود ,,,
((غلا))
بعيوني الثنتين ::
كثر ما شالتك عيني
صويبك طاح ما شلته
اجيلك ,, ظامي(ن),, كلي,,
عطش ,, في ,, قلبي ,, المسكين ,,
وأرد ,, بخافق(ن) ,, كله ,,
حزن ,, يومك ,, تجاهلته ,,
أبيك
تحس
في
قلب(ن)
تعذب
في
هواك
سنين
وأحلف
انه
عذابي
منك
مايوم(ن)
تخيلته
اشوفك
تشرق
الدنيا
محبة
بين
عين وعين
كلامي
واستحيت
أني
أقوله
ورحت
ما قلته
على
كثر
اللذي
شفته
غلاكم
ما نزل
للحين
أنا
من
يملك
عيوني
تراها
ما
يومها
" أخذلته "



أقدملك
كلمة
(أحب ك)
مع مشاعر ما تبي
(تهدك)
وهمس يذوب على
(خدك)
وشوق يغني على
(قلبك)
وعيون بس تبي
(تشوفك)
و أذن ماتبي تسمع غير
(صوتك)
ولي قلب يصون
(حبك)
ما أقدر أقول شئ ثاني غير أني
(% موت أحبك %)
أنت ..
ياللي حبك بقلبي ..
كبير
لا يصيبك شك..
في حبي ..
لك ..
يوم غيرك صار لأحساسي أمير..
أنت من فوق البشر صرت
"الملك"
وجيت
أغنيلك
على اللحن القصير
الاماكن.. كلهاااا... مشتاقة لك





نسيت إن السهر : أحلام
إلى شفتك كذا .. منضام
أجيك من .. آخر ضلوعي
أجيك من أطرف الأيام .!
وأمسح دمعك و كحلك
وأحط إيدي وساده لك
وأقولك :
بس حبيبي نام
عشاني بس حبيبي نام



لو الهَوى المَحبوسْ
في جوفْ صَدري..
يِظهر على الدِنْيا,,
غِشى كِل العالم هِيَام..
فيني غرااااامٍ,,
فوق مَحْمول صَبري..
وفيني خيالْ,,
فوق تَصويرْ الاحْلام..
صِباحْي اسرحْ لِك,,
وفي ليلي أسْري..
واذا هِجعْ فِكْري
خَفَوق الهَوى قَاااامْ..
والله مَالي غير
الاشَواااق عِذْري..
واللي عِرف شْوق
المِوَاليْف مَا لام..
^
^
^
^
أبي (أحبك)
لين أحسك بروحي
أبيك (شوق)
يمتلي فيه صدري
أبيك (فرحه) ....
" أبيك جد و مزوحي "
أبيك (عشق) ...
أبيك (فرج) ... لجروحي
أبيك ....
تطرد كل غربة بسهري
أبيك ..
(قلب) قبل ما أدعيه يوحي
أبيك ..
(حب) ينطفي فيه قهري
أبيك ..
(روح) تحتضن صدق بوحي
أبيك ..
(وجه) لا ظهر غار فجري
أبيك ..
(واقع) لا ظهر مايروحي
أبيك ..
في سود المقاييل ظهري
أبيك ..
قلبي وأبي قلبك سموحي
أبيك
<< حب يمتزج وسط روحي >>
رفع قدره ...
و إرتفع فيه قدري >:::::::::::;;
كيفي أنا .. أحب منهو أحبة ..
مالك شغل باحساس قلبي ومافية ،،
كل حي فينا له تصرف بقلبة،،
والكل حر .. باللي يحبة ويغلية ،،
قلبي عرف من وين ياصاح دربة،،
لاتنحشر باللي يهمة ويعنية،،
![ أحب منهو احبه ]!
فكرت مرة أخطفك ليل وأنحاش،،
و صممت من قلبي أنفذ قراري...
وفعلاً لبست حزام ناسف ورشاش،،
ونويت أسوي بك هجوم انتحاري...
ماني بإرهابي ولاني بغشاش،،
مجنووووون في حبك بغيراختياري...
![ أحب منهو احبه ]!
لبّية
رديت أنا لعيون .. حضرتك .. لبية،،
كنّي شعرت إنك .. تبيني وجيتك ...!
مدري احاسيسي على وجهها لية ؟؟
لامن طرالي ناظرك جيت بيتك ..
أنا أشهد إن القلب سلّمك .. تالية ،،
بس آه ليتك تحفظ القلب .. ليتك ..!
![ أحب منهو احبه ]!
غالي عندي يالغالي
من عيوني تطلب وتامر .. بعد ..
كم .غالي عندي يالغالي . أنا ..
يابعد من قام عندي ومن قعد ..
تحت أمرك يا حبيبي .. كلنا ..
لك غلا في خافقي مالة عدد
فاق بالحسبة حدود حسابنا
![ أحب منهو احبه ]!
إلى مني قلت بنسى عشرتك ياهوى الملتاع ،،
عرض لي معافي يرفع الصوت ويشيله...
يغني طرب ((أيوووووه قلبي عليك إلتاع))
وأكمل معاه
((( مااااايحتمل غيبتك ليله))) ..!!!
![ أحب منهو احبه ]!
أنا هنت؟؟؟
طوفتها مرة ومرة ومليوووون ..
أقوووول غالي والبلا ماتعلّمت..!
قلت الحبيب يمون ويمون ويمون ...!
واشوووف من عقب الميانة , أنا هنت؟؟؟
وين المحبة والغلا وكل مضمون؟؟
شان الزمن فجأة او انت الذي شنت؟؟
مادام هذي خاتمتها .. على هووون..
بانساك ياللي كل حبي أنا .. (كنت..!)



![ أحب منهو احبه ]!
اجمل الكلمات هي حكي العيون..
واجمل اللحظات لحظاتي معاك..
كل ماقالوا حبيبك من يكون..
قلت من هو غير هالواقف هناك..
قاسي بطبعه ولكنه حنون..
من بني آدم لكنه ملاك..
يجرح..وجرحي من يدينه يهون..
ياحبيبي لاتضيعك الظنون..
ولاتضيعني عسى عمري فداك..
غصب عنّي صارت عيونك تمون..
وين ماسافرت يلحقني غلاك..
سقتني للموت ودروب الجنون..
واصبحت دنياي من بعدك هلاك..
ذبت كلّي في مظاليل الجفون..
وانتهى عمري بدون وابتداك..
يابعدهم في وجودك وش يبون.؟!
بلّغ العالم ترى ماابي سواك..
انت بس وكلهم مايقدرون..
نور عيني مايشوف الا حلاك..
منهو مثلك في سواليف العيون.؟!
وانت اذا سولفت تاخذني معاك..

مع تحياااااتي ...